တချို့အမျိုးသမီးတွေကို ကြည့်လိုက်ရင် သူတို့ရဲ့ ယုံကြည်မှု၊ တည်ငြိမ်မှုနဲ့ အပြုသဘောဆောင်တဲ့ အပြုအမူတွေက ပတ်ဝန်းကျင်ကိုပါ အားဖြည့်ပေးနိုင်တာကို သတိထားမိကြမှာပါ။
သူတို့ဟာ အော်ဟစ်ပြီး အာဏာပြတတ်လို့ မဟုတ်ဘဲ ကိုယ့်ဘဝကို ကိုယ်ပိုင်တန်ဖိုးနဲ့ ရပ်တည်တတ်လို့ လူတွေက လေးစားရခြင်းဖြစ်ပါတယ်။
ဒီလို စိတ်ဓာတ်ခိုင်မာတဲ့ အမျိုးသမီးတွေမှာ အများအားဖြင့် တွေ့ရတဲ့ အရာတွေကတော့
၁
ကိုယ့်ကိုယ်ကို အားကောင်းအောင် ရွေးချယ်ထားတယ်
ဘဝမှာ ကြောက်ရွံ့မှု၊ မလုံခြုံမှု၊ စိတ်ဖိစီးမှုတွေ မဖြစ်ဖူးတဲ့သူ မရှိပါဘူး။ ဒါပေမယ့် စိတ်ဓာတ်ခိုင်မာတဲ့သူတွေက အခက်အခဲတွေကြားထဲမှာတောင် ကိုယ့်ကိုယ်ကို မပျက်စီးစေဖို့ ဆုံးဖြတ်ထားကြတယ်။ ဘယ်သူ့ကြောင့်ပဲဖြစ်ဖြစ် ကိုယ့်တန်ဖိုး မကျစေရဘူးဆိုတဲ့ စိတ်ရှိကြပါတယ်။
၂
ကိုယ့်ရပ်တည်ချက်ကို သိတယ်
ကိုယ် ဘာကို ယုံကြည်တယ်၊ ဘာကို လက်ခံတယ်ဆိုတာ သိထားတဲ့သူတွေဟာ အခြားသူရဲ့ အမြင်ကြောင့် လွယ်လွယ် မပြောင်းလဲသွားကြပါဘူး။ သူတို့ဟာ ကိုယ့်တန်ဖိုးတွေနဲ့ ကိုက်ညီတဲ့ဘဝကို တည်ဆောက်ဖို့ ကြိုးစားတတ်ကြပြီး အချိန်အလိုက် ကိုယ့်အတွေးအခေါ်တွေကိုလည်း ပြန်သုံးသပ်တတ်ကြပါတယ်။
၃
“ကျော်ဖြတ်နိုင်မယ်” ဆိုတဲ့ ယုံကြည်ချက်ရှိတယ်
အခက်အခဲတွေကြုံလာတိုင်း “ငါ မလုပ်နိုင်တော့ဘူး” လို့ မတွေးဘဲ “ဒီထက်ခက်တဲ့ အချိန်တွေလည်း ဖြတ်ကျော်ဖူးတယ်” ဆိုတဲ့ အတွေ့အကြုံကို အားယူတတ်ကြတယ်။ သူတို့အတွက် အတိတ်က ဒဏ်ရာတွေဟာ အားနည်းချက်မဟုတ်ဘဲ ပိုမိုခိုင်မာလာစေတဲ့ သင်ခန်းစာတွေ ဖြစ်လာပါတယ်။
၄
မသင့်တော်တဲ့အရာတွေကို လက်လွှတ်တတ်တယ်။
လူတစ်ယောက်ဖြစ်ဖြစ်၊ အခြေအနေတစ်ခုဖြစ်ဖြစ် အတင်းဆွဲထားလေလေ ပိုဝေးသွားတတ်တာကို နားလည်ထားကြတယ်။ ဒါကြောင့် မသင့်တော်တော့တဲ့အရာတွေကို လက်လွှတ်နိုင်ဖို့ သင်ယူထားကြပါတယ်။ နာကျင်မှု မရှိတာမဟုတ်ပေမဲ့ အဲ့ဒီနာကျင်မှုကို လက်ခံပြီး ရှေ့ဆက်သွားနိုင်ကြတယ်။
၅
ကိုယ့်ကိုယ်ကို ရင်းနှီးမြှုပ်နှံတတ်တယ်
စာဖတ်တာ၊ ကျန်းမာရေးဂရုစိုက်တာ၊ skill အသစ်တွေ သင်ယူတာ၊ စိတ်ပိုင်းဆိုင်ရာ ကုသမှုခံယူတာ — ဘယ်အရာပဲဖြစ်ဖြစ် ကိုယ့်ဘဝတိုးတက်ဖို့ လုပ်ပေးတဲ့အရာတွေကို အရေးကြီးတယ်လို့ ယုံကြည်ကြပါတယ်။ သူတို့အတွက် ကိုယ့်ကိုယ်ကို တိုးတက်အောင်လုပ်တာဟာ အကောင်းဆုံး investment တစ်ခုပဲ ဖြစ်ပါတယ်။
၆
Toxic Relationship တွေကို လွှတ်ချတတ်တယ်
Relationship တိုင်းမှာ ကြိုးစားမှုလိုအပ်ပေမယ့် ကိုယ့်စိတ်ကို နေ့တိုင်းပင်ပန်းစေတဲ့ ဆက်ဆံရေးတွေကိုတော့ မဖမ်းထားကြဘူး။ ကိုယ့်ဘဝကို အဆိပ်ဖြစ်စေတဲ့ relationship တစ်ခုထဲမှာ ဆက်နေတာက ကိုယ့်ပျော်ရွှင်မှုကို တဖြည်းဖြည်း ဖျက်ဆီးနေတာနဲ့ တူတယ်ဆိုတာ သူတို့သိကြပါတယ်။
၇
ခိုင်မာမှုနဲ့ ရိုင်းပျမှုကို မရောထွေးဘူး
တကယ်ခိုင်မာတဲ့သူတွေဟာ အခြားသူတွေကို အောက်ချ မဆက်ဆံကြဘူး။ သူတို့မှာ နူးညံ့မှု၊ နားထောင်ပေးနိုင်မှု၊ စာနာတတ်မှုတွေ ရှိနေတတ်ပါတယ်။ ကိုယ့်အတွက် ရပ်တည်တတ်သလို အခြားသူကိုလည်း လေးစားပေးတတ်တာက တကယ့် strength ဖြစ်ပါတယ်။
၈
ကိုယ့်တန်ဖိုးကို သိပြီး ကာကွယ်တတ်တယ်
စိတ်ဓာတ်ခိုင်မာတဲ့ အမျိုးသမီးတွေဟာ အမြဲ confident ဖြစ်နေတာ မဟုတ်ပါဘူး။ ဒါပေမယ့် သူတို့မှာ “ငါ့မှာ တန်ဖိုးရှိတယ်” ဆိုတဲ့ အခြေခံယုံကြည်ချက် ရှိပါတယ်။ ဘယ်လိုဆက်ဆံမှုမျိုးကို လက်ခံမယ်၊ ဘယ်လိုအရာကို မလက်ခံဘူးဆိုတာ သိပြီး ကိုယ့်ကို တန်ဖိုးမထားတဲ့နေရာတွေကနေ ထွက်ခွာနိုင်ကြတယ်။
