မိန်းမကိုယ် သန့်ရှင်းရေးပြုလုပ်တဲ့အခါ အရှေ့မှ အနောက်သို့သာ သန့်ရှင်းပါ။
Toilet သွားပြီးတဲ့အခါတိုင်းမှာ သန့်ရှင်းရေးပြုလုပ်တော့မယ်ဆို မိန်းမကိုယ် အရှေ့မှ အနောက်သို့ (Front to Back) ဆေးကြောခြင်းဖြင့်သာ ပြုလုပ်သင့်ပါတယ်။ ဒါက အနောက်စအိုထဲမှာရှိနေတဲ့ အညစ်အကြေးနဲ့ ဘတ်တီးရီယားတွေကို မိန်းမကိုယ် ဆီးလမ်းကြောင်းနဲ့ သားအိမ်ထဲ မရောက်စေရန် ကာကွယ်ခြင်းဖြစ်ပါတယ်။
နောက်တစ်ချက်က ရေနဲ့ဆေးကြောသန့်စင်ပြီးတဲ့နောက်မှာလည်း တစ်ရှုးအသုံးပြုပြီး (toilet paper) မိန်းမကိုယ်ကို ခြောက်သွေ့သန့်စင်အောင်ထားဖို့ လိုအပ်ပါသေးတယ်။
အနောက်ကနေ အရှေ့ကို ဆေးကြောမိတဲ့အခါမှာရော ဘာတွေဖြစ်နိုင်လဲ?
အနောက်ကနေ အရှေ့ကို ဝိုက်ပြီး ဆေးကြောမိတဲ့အခါမှာ စအိုမှာ ရှိနေတဲ့ ဘတ်တီးရီးယားတွေက မိန်းမကိုယ်ကို တိုက်ရိုက်ထိတွေ့ ကူးစက်နိုင်ပြီး ဆီးလမ်းကြောင်း ပိုးဝင်ခြင်းအပြင် အခြားသော သားအိမ်တွင်း မှိုပိုးဝင်ခြင်းများ ဖြစ်နိုင်ပါတယ်။
